FITNESS

2019Թ. 5 ԼԱՎԱԳՈՒՅՆ ԴԻԵՏԱՆԵՐԸ, ՈՐՈՆՔ ԿՕԳՆԵՆ ՁԵԶ ՆԻՀԱՐԵԼ

01. 02. 2019

12a8dbbcfd622611bdd43ec689a69889

Էֆեկտիվ դիետաներ, որոնք օգնում են ազատվել ավելորդ կիլոգրամներից առանց առողջությանը վնաս հասցնելու: Դրանք մշտապես գերակա են: Եթե ուզում ես քաշ կորցնել, ընտելանալ ճիշտ սննդակարգին ու հաղթահարել շաքարի նկատմամբ ձգողականությունը, ապա ծանոթացիր դիետիկ ծրագրերի միջազգային վարկանիշային հնգյակին:

Հաղթողներին որոշելով U.S. News & World Report ընկերության վերլուծաբանները հարցում են անցկացրել աշխարհի առաջատար դիետոլոգների, ինչպես նաև շաքարային դիաբետի ու սրտանոթային հիվանդությունների մասնագետ բժիշկների շրջանում: Մասնակցիները գնահատել են 41 դիետաներ՝ 7 տարբեր կատեգորիաներով ( հե՞շտ է դրան հետևել, որքա՞ն է քաշ կորցնելու հավանակությունը, որքա՞ն ժամանակում, սննդային արժեք և այլն)՝ յուրաքանչյուրին հատկացնելով մինչև հինգ աստղ գնահատական:

2019 թ. լավագույն դիետաների հնգյակը այս տեսքն ունի՝

#1. Միջերկրածովյան դիետա: Միջերկրածովյան դիետա, որպես այդպիսին, գոյություն չունի. ինչպե՞ս միավորել հույների, իտալացիների, ֆրանսիացիների ու իսպանացիների խոհարարական բացառիկ փորձը: Այնուամենայնիվ, դրանք ունեն մի շարք ընդհանուր սկզբունքներ՝ մրգերի, բանջարեղենի, ձավարեղենի, ընկույզի, լոբազգիների, ձիթայուղի, համեմունքների, բույսերի, ձկան, ծովամթերքի, թռչնամթերքի, ձվի, պանրի, յոգուրտի առատության առումով: Թույլ են տրվում քաղցրավենիքներ, անյուղ միս ու կարմիր գինու մեկ գավաթ՝ հատուկ առիթների դեպքում կամ  եթե շատ եք ուզում: Պետք է չմոռանալ ֆիզիկական ակտվիության մասին: Արդյունքում աշխարհի լավագույն ու հաճելի դիետան մի շարք առավելություններ կունենա առողջության, քաշի կորստի, սրտի և ուղեղի հիվանդությունների, դիաբետի ու քաղցկեղի կանխարգելման հարցում:

 #2. DASH դիետա: Dietary Approaches to Stop Hypertension սննդակարգի համակարգը հատուկ մշակվել է հիպերտոնիայի դեպքում արյան ճնշման իջեցման համար: Հետագայում պարզվել է, որ նման դիետան լուծում է նաև այլ խնդիրներ. կարգավորում է  քաշը, նվազեցնում խոլեստերինի մակարդակը, նպաստում շաքարախտի և սրտի անբավարարության կանխարգելմանը: Հիմնական սկզբունքները հիմնված են առողջ սննդի վրա՝ առանց նորաձև բարդությունների. մրգեր, բանջարեղեն, հացահատիկներ, լոբազգիներ, անյուղ սպիտակուց և կաթնամթերք՝ հարուստ սննդարար նյութերով, մանրաթելերով, կալիումով և կալցիումով: Խորհուրդ է տրվում նվազեցնել աղի քանակը՝ փոխարենը օգտագործելով խոտաբույսեր ու համեմունքներ, որպեսզի ուտելիքը համեղ դառնա և բացառել ալկոհոլը, քաղցրավենիքը՝ շաբաթական 3-5 անգամից ոչ ավել: Օրական հարկավոր է սնվել 5 անգամ՝ օգտագործելով 2,5 հազար կկալ, և անպայման ժամանակ հատկացնել վարժություններին՝ գոնե 15 րոպե քայլել ճաշից կամ ընթրիքից հետո:

#3. Ֆլեքսիտարիանական դիետա: Միավորելով «ճկուն» և «բուսական» բառերը՝ դիետոլով Դոն Ջեկսոն Բլանտերը մշակել է դիետա, որի համաձայն՝ կարելի է ուտել բուսական ուտեստներ՝ հազվադեպ թույլ տալով ինքներդ ձեզ կոտլետ կամ սթեյք: Դիետան նախատեսված է 5 շաբաթվա համար: Այդ ընթացքում կարելի է կորցնել սեփական քաշի 15%-ը՝ փոխարենը ստանալով երաշխավորված առողջարար էֆեկտ: Սննդակարգը նախատեսում է օրական 1500 կալորիա՝ «երեք-չորս-հինգ» ռեժիմով. նախաճաշին մոտ  300 կալորիա, ճաշին՝ 400, ընթրիքին՝ 500: Ինչպես նաև 150 կալորիա երկու միջանկյալ սնվելու համար:

#4-5. Կիսել ենք իրար միջև: MIND դիետան  ներառում է երկու՝ DASH և Միջերկրածովյան դիետաները, այն կենտրոնացած է մթերքների վրա, դրականորեն է ազդում ուղեղի առողջության վրա: Քիչ կալորիականությամբ WW (Weight Watchers) դիետան աշխատում է ռուսական #sekta դպրոցի սկզբունքով, հիմնված է խմբակային աջակցության վրա: Mayo Clinic-ի հայտնի դիետան կենտրոնացած է առողջ սնվելու երկարատև սովորության աստիճանաբար ձևավորման վրա: