Եթե կարծում եք, թե պաստելային երանգները ձանձրալի են ու նախատեսված բացառապես գարուն-ամառ սեզոնի համար, ապա սխալվում եք: Աշնանը ևս կարելի կրել պաստելային երանգների հագուստ: Բոլորովին պարտադիր չէ անձրևային խոնավ եղանակին կրել նուրբ մանուշակագույն տաբատ, կարելի է կրել այդ գույնի սվիտեր: Այս աշուն պաստելային երանգները շատ նորաձև են: Պատմում ենք, թե ինչի հետ ու ինչպես կրել դրանք նորաձև լինելու համար:

Պաստելային երանգի ցանկացած բլուզ, սվիտեր, վերնաշապիկ հիանալի համարդվեւմ է դասական կապույտ ջինսերի հետ: Ավելացրեք մի փոքր աքսեսուարներ և ոճային կերպարը պատրաստ է:

Դժվար թե աշնանը արժե բաց երանգի տաբատներ կրել, այնպես որ համադրեք բաց գույնի բլուզը մուգ գույնի տաբատի հետ: Սև տաբատ և բեժ գույնի ատլասյա բլուզը իդեալական համադրություն են:

Եթե պատրաստ չեք աշնանը կրել պաստելային գույներ, ապա ուշադրություն դարձրեք ամենապրակտիկ տարբերակին՝ ընտրելով պայուսակ:  Ցանկալի է, որպեսզի այն համադրվի ձեր կերպարի որևէ դետալի հետ:

Պաստելային երանգի վերարկուից ավելի նրբաճաշակ բան չկա: Բանականաբար, շատ բաց երանգի վերարկու աշնանը չարժե կրել, ուստի ընտրեք ավելի խորը ու հագեցած գույներ:

Պաստելային երանգի բաճկոնը, գլխարկը, ձեռնոցներն ու շարֆը ևս հիանալի լուծում կարող են լինել: